تامر حسني . Tamer Hosny

الأسم الحقيقي :-

تامر حسني شريف عباس

او يمكن بدوي عبد المحسن عباس فرغلي

معرفش بصراحة انا محتار زيي زيكو

اللقب :-

نجم الجيل

تاريخ الميلاد :-

1977 عنده حوالي 36 سنة

* والد تامر مصري الجنسية و والدته سورية الجنسية يعني هو من أب مصري و ام سورية .

أسم الأب :-

حسني شريف عباس فرغلي

أسم الأم :-

فاطمة الصباغ

* ابو تامر منفصل عن والدته من وهو عنده 7 سنين كان عايش هو وامه و أخوه حسام من غير اي مصدر رزق , تامر كان مضطر يشتغل في بنزينة و سوبر ماركت و كان بيبيع برفان في الشارع عشان يلاقي ياكل و ميمتش من الجوع .

* دخل تامر كلية الأعلام جامعة 6 أكتوبر و كان السبب بعد ربنا طبعا والدة واحد صحبو , بدأ تامر يغني في حفلات الجامعة , لعب القدر لعبته مع تامر لما كان في حفلة في الجامعة و كانت من ضمن المدعووين للحضور المذيعة

 ( سلمي الشماع ) و منها بدأ في صعود سلم المجد و الشهرة و النجومية مع نصر محروس الي اقتنع بموهبته جدا .

* اغنية ( شكلي ححبك ) وكانت في ألبوم متنوع ولكنها علقت مع الناس جدا و كانت مميزة جداا وسط كل الأغاني الي موجودة .

* وكانت سعتها شرين يادوب لسه بتبتدي وبرده كان ليها اغنية واحدة في السوق الي هي ( بحبك ) , و قرر نصر محروس ان تامر حسني و شرين حينزلو ألبوم مع بعض و كان اسم الألبوم علي اسمهم ( تامر و شرين ) وطبعا نزل الألبوم سمع في كل حتة و كسر الدنيا و حقق مبيعات قياسية.

* بعد كده غير جلده تامر و بدأ يتجه للتمثيل و التلحين و كتابة الأغاني و الأخراج و المشاركة في كتابة الأفلام , والغريب ان تامر بيعمل كل حاجة صح اوووي كأن دي شغلتو الأساسية و يمكن احسن من الناس الي بتشتغل و متخصصة في اي مجال من الي قلتهم و الدليل شغلو و اعمالو الي موجودة .

* في اول 2006 واجه تامر حسني عقوبة الحبس بتهمة التهرب من أداء الخدمة العسكرية و المشكلة كانت انو اتهرب من الخدمة العسكرية – الجيش – وكمان زور شهادة جامعية لكلية تجارة جامعة المنصورة , اتحكم علي تامر بالسجن لمدة سنة بس هو قضي نص المدة الي هي 6 اشهر في السجن العسكري بعد تخفيف العقوبة عليه .

الأعمال الفنية الغنائية :-

·                 ( تامر و شرين ) سنة 2002 مع شركة فري ميوزك

·                ( حب )2004  اول ألبوم منفرد لتامر حسني .

·                ( عنيه بتحبك ) 2005 مع شركة فري ميوزك .

·                ( بنت الإيه ) 2007

·                ( قرب كمان , الجنة في بيوتنا ) 2008

قرب كمان ألبوم موسيقي , الجنة في بيوتنا ألبوم ديني اجتماعي

·                ( حعيش حياتي ) 2009 مع شركة مزيكا

·    ( أخترت صح ) 2010 مع شركة مزيكا

·                ( ألي جاي احلي ) 2011 مع شركة مزيكا

·                Smile ) ) 2012  مع المطرب العالمي شاجي

·                ( سي السيد ) مع الفنان العالمي سنوب دوج

الأعمال الفنية السينمائية :-

·                ( حالة حب ) 2003 شارك في البطولة هاني سلامة , هند صبري .

·                ( سيد العاطفي ) 2005 بطولة عبلة كامل , وطلعت زكريا .

·                ( عمر و سلمي 3 اجزاء )

الجزء الأول سنة 2007 و الثاني 2009 و الثالث 2012.

· تعتبر سلسلة افلام ناجحة و صاحبة جماهرية عالية جدااا

· ( كابتن هيما ) 2008 شارك في البطولة زينا.

· ( نور عيني ) 2010 كان اول تعاون بين مني شلبي و تامر حسني .

*** أخيرا مسلسل أدم رمضان الي فات

و مسلسل فرق توقيت رمضان ده انشاء الله .