مع بداية انطلاق الثورات العربية او المعروف بالربيع العربي بدأ الشباب
يسمعو نوع هو مش جديد لانو موجود من زمان بس بدأو ياخدو بالهم منو و يستخدموه الي
هو "" الموسيقي البديلة "" ألي هي بمنتهي البساطة موسيقي
بتعبر عن الواقع بتاعهم و عن الي هما عيشينو
يعني مستحيل يكون صحبي او اخويا ميت امبارح و اسمع عمرو دياب الليلادي سبني
اقول واحب فيك !!
ده غير منطقي طبعا , مع احترامي للفن الي بيقدمو عمرو بس انا كشاب محتاج
مزيكا تقول الي جوايا وانا مش كل الي جوايا حب و رومانسية بحتة و ورد و قلوب حمرا و
دباديب !! اكيد طبعا لا ....
ممكن لو انت شاب وبعد تعب 5 او 4 سنين في الكلية و مش لاقي شغل و عاطل ممكن
تسمع مساري أجباري مثلا حتقول الي انت حسه و عايز تقولو :-
ماليه الجرايد اعلانات
للخرجين والخريجات
اشغال كتير راتب كبير
حاسب لا يوم عقلك يطير
مطلوب خبير يحكى حكايات
او سمكرى يعرف لغات
يعزف كمان اوكرديون
يكسب عشان يفتح صالون
انا شاب مش محتاج اسمع اغاني تجارية بحتة فيها مشاعر بلاستيك من غير اي روح
, من ايام ام كلثوم و عبد الحليم و هما بيغنو للحب تقوم ثورة و الناس تبقي بتموت
عشان عايزة لقمة العيش وهما عيشين في عالم ملوش اي علاقة بالواقع ولا يمت للواقع
بصلة
و حتي لما المزيكا البديلة بتتكلم عن الحب بتتكلم بمنظور تاني و فيها
أحاسيس عميقة و بجد و الكلام الي بيتقال محسوس مش مجرد اغاني تجارية .
ببساطة جدا :-
دينا الوديدي __ مساري أجباري __ كايروكي __ رامي عصام
أغاني و كلام
مألوف ليك جداا و كل قصة بيتكلمو عنها هي حكاية كلنا كل يوم بنعشها و بنشوفها
**** الناس عايزة حد يغنلها مش يغني عليها ****
طبعا منقدرش ننكر ان المزيكا البديلة في العالم العربي يادوب لسه بتتولد و
لسه مفيش ليها جمهور كبير بس هي بتخلي الشباب تقدر تتنفس و تقول رأيها لو حتي في
أغاني
0 comments:
Post a Comment