عمرو دياب

الأسم الحقيقي :-

عمرو عبد الباسط عبد العزيز دياب

اللقب :-

الهضبة

تاريخ الميلاد :-

1961

عنده 52 سنة

* عمرو دياب من مواليد محافظة بورسعيد , وعائلته من منيا القمح , بدأ حياته الفنية من يوم ما حصل علي درجة البكالريوس في تخصص الموسيقي العربية من أكادمية الفنون , حققت ألبوماته مبيعات هايلة و اترجمت كتير من أغانيه تقريبا لكل لغات العالم :-

( انجليزي – الروسي – الكرواتي – بلغاري – تركي – و ألباني – هندي )

* بيتميز اسلوب عمرو دياب بالسهولة و التعقيد في نفس الوقت – السهل الممتنع – بيقدر يمزج بين ألات شرقي مع ألات غربية و بيدخل ألات جديدة و يرسم الخطوط العريضة الي يمشي عليها كل الي بيغنو بعده و هو اكبر سبب من أسباب تغيير المزيكا في مصر و العالم العربي و الشرق الأوسط كلو .

* عمر دياب حائز علي جائزة ميوزك أورد

 ( Music Award ) 4 مرات عن اعلي مبيعات في الشرق الأوسط :-

(1998- 2002 -2007 -2014 )

* عمرو دياب بيغني بقاله اكتر من 30 سنة

* اول لقاء بين عمرو دياب و العالمية كان خلال دورة الألعاب الأولمبية , مين مش فاكر اغنية – أفريقيا – و غني فيها عمرو بالعربي و الأنجليزي و الفرنسي , و كانت تزاع علي CNN  .

* و كانت من أكبر القفزات في حياة عمرو دياب ألبوم "" نور العين ""  1996 وألي حقق اعلي مبيعات في سوق الكاسيت في الشرق الأوسط

* كان طبيعي جدا بعد كل الي بيحصل ده ان عمرو دياب يبقي اسطورة و استلم دياب 3 جوائز في المهرجان العربي السنوي و بعد كده كان التكريم الكبير لدياب في ميوزك أورد 1998 في حضور

Celine Dion , Steven Seagal

Backstreet Boys

* اشترك دياب مع مغنيين عالميين فغني مع المطرب العالمي الجزائري ( الشاب خالد ) اغنية " قلبي " ,

و غني مع المطربة اليونانية ( Angela Dimitriou ) اغنية "" انا بحبك اكتر

* الألبومات الي كانت السبب في حصول دياب علي ميوزك أوررد سنة 1998 عن "نور العين"، وسنة 2002 عن ألبوم "أكتر واحد" وسنة 2007 عن ألبوم "الليلادي" وسنة 2014 عن البوم" الليلة " .

* تقديم عمرو دياب لدعايا شركة بيبسي مع نجوم عالميين "" بريتني سبيرز "" – "" بيونسي ""

"" جينيفر لوبز "" – ديفيد بيكام "" .

* عمرو دياب مقلل في ظهوره يعني مش كل يوم بيعمل حفلة و فرحان بشوية العيال الي ملمومة حواليه , بس اتفرج علي مصر يوم حفلة عمرو دياب بتكون عاملة ازاي , و اشهر حفلاته الي بتكون يوم راس السنة في الفنادق الكبيرة و أحيانا في دبي و في الساحل الشمالي .

الأنجازات :-

* أول مطرب عربي يجمع بين لحنين شرقي و غربي في نفس الأغنية ( ولا علي باله )

* اول مطرب عربي يغني Pop

* اول مطرب عربي يختار اغانيه في افلام اجنبي كموسيقي تصويرية للفيلم

* اكثر مطرب في العالم  تترجم اغنيه ألي عدة لغات مختلفة

* اول مطرب عربي حصل علي ميوزك أورد 3 مرات

* اكثر مطرب عربي قدر يحافظ علي نجاحه رغم ان باقي جيله مستواهم نزل و بقو من الذكريات لاكن عمرو دياب لحد دلوقتي بيجدد في المزيكا بتعته و بيختار ألحانه و توزيعاته و كلامه مستحيل يحوي اي معني أباحي او خارج ( ألي علي راسه بطحه ) .

بأختصار الراجل ده اسطورة من الأساطير الي صعب و مستحيل تتقرر تاني