محمد فؤاد . Mohamed Fo2ad

الأسم الحقيقي :-

محمد فؤاد عبد الحميد حسن الشافعي

اسم الشهرة :-

ابن البلد

الميلاد :-

1961 عنده حوالي 52 سنة

من مواليد محافظة الأسماعلية , اتربي في عين شمس و ليه 5 أخوات. وانتقل محمد فؤاد و هو صغير لأكتر من مكان في القاهرة زي العباسية و حلوان و لكن اكتر مكان محمد فؤاد بيعتبر انو بيتو هو عين شمس بسبب انو عاش فيه 25 سنة .

اكتر المواقف الي كان ليها تأثير كبير علي شخصية محمد فؤاد هو موت أخوه الكبير ( إبراهيم ) في حرب النجسة

 ( العدوان الثلاثي علي مصر ) و الي أثر فيه اكتر انو حتي مقدرش يدفنو حتي اتحرم من ان يكون لأخوه مكان يزورو فيه .

و كانت بداية الشهرة لمحمد فؤاد ووصوله لجمهور عريض في الوطن العربي كلو لما كان في نادي الشمس بيحضر حفلة لفريق  ( 4M ) وكان و المنظم الفنان عزت ابو عوف , كان محمد فؤاد و اخوه عبد العزيز وكان معاهم واحد جارهم و صحابهم و فجأة تقف عربية عزت ابو عوف عشان تسألهم عن بوابة الخروج , عبد العزيز و صحبه مكدبوش خبر ما صدقو لقوه قالولو علي فكره محمد صوتو حلو اووووووي و بيعرف يغني ياريت لو حضرتك تسمعو بس و تديلو فرصة .

كان رد عزت ابو عوف غير متوقع لانو طلع كارت شخصي ليه عليه عنوانو و أرقام تليفوناتو و قالي كلمني بكره ( يارب يطلع صوتك حلو يا محمد )

و المشهد ده أتصور بالظبط زي ما حصل في فيلم

( أسماعلية رايح جي ) و الفيلم ده كان فيه حقايق كتير جدا من حياة محمد فؤاد زي واقعة موت اخوه زي ما شفنا في الفيلم .

الأعمال السينمائية :-

القلب وما يعشق (1991)

أمريكا شيكا بيكا (1993)

إشارة مرور (1994)

يوم حار جداً (1995)

إسماعيلية رايح جاي (1997)

رحلة حب (2001)

هو في إيه؟! (2002)

غاوي حب (2005)